Sports

North East Olympic khou Manipur First lakan the

IMPHAL, 28 OCT, (DIPR): North East India states tachat tuang dailiangmei sports ‘1st North East Olympic Games’ Imphal khou tatkei kanmei khou Manipur rui medal 159 lana First guang kan the, Assam rui medal 140 lana Second khatni Arunachal rui medal 76 lana Third guang kan e.

Tatkanmei 24 October nung tei ruina kahou kanmei Olympic khou tei game kajat 12 palup kan e. Tripura le Sikkim kanei rui last kumma Nagaland rui 5th lakan e.

Asei Kumman Lampak khou mbanglou mei mung tatkei kanmei khou Deputy Chief Minister Y Joykumar Singh, Education Minister Th. Radheshyam Singh, President of Manipur Olympic Association, Revenue Minister Karam Shyam rui Prize njanlou kan e.

Luan kameimei North East Olympic Games hei nkun Arunachal Pradesh khou tatkei dat puni e tuna sa e.

Author Since: Oct 29, 2018