News, State News

15th Free Surgical Outreach Mission nthuina luailou kan the

DihCham News Service
TAMENGLONG, DEC 7: Luan 15mei Free Surgical Outreach Camp, District Hospital, Tamenglong khou aseihei nthuina tatkeilou kan the. JNIMS, Imphal khou rui specialist doctor nun ta Dr Ningomba Jitendra, Professor and HoD (Surgery) rui jaina guanglou kan tuang e. 5- 7 December 2018 khou tatkei kanmei khou tei cases 28 (major 18 minor 10) nsana khang operation sulou kan the.

District Hospital Management Committee rui, Samuel Jendai, MLA, Tamenglong, 53 A/C, Awangbou Newmai, MLA Tamei 52 A/C khatni Ravinder Singh, IAS, Deputy Commissioner, Tamenglong kaniu ta District Hospital, Tamenglong le kariuna, tatkei kanmei Surgical Camp tuang sponsor sulou mei khang ta thuankumei ndao kan e.
Publicmei khin suna, Dr Chambo Gonmei, CMO, Tamenglong rui, 2013 khoutei rui kahouna JNIMS tuang surgical team ruina katpatna district khou lungsi-lungroumei nun khang nsana siamruai suloumei khang ta thuankumei, cham khou tithai guang lou bam e. Thailounumei thu, Surgical Outreach Mission bang khou rui mansei 500 dou kadou chamei la tou lou kan e khatni patients gansek rui Chief Minister-gi Hakshelgi Tengbang (CMHT) khatni
Ayushman Bharat- Pradhan Mantri Jan Aarogya Yojana (AB-PMJAY) health scheme bang khou gengmei la tou lou kan e.

Author Since: Oct 29, 2018