National, News

Garoland State demand ranku bam the

Newmai News Network
SHILLONG, DEC 5: Meghalaya state khou lung bammei Garo jaatti akhat ruina kaniu khang ni state baina tilou tho tuna demand sumei hei ranku bam the, asei ni Garo mei mansei ching ching ruina Shillong kaidai khou state demand suna rally tatgeih kan the.
Tatkanmei 2012 thang ruina Garo jaatti ta chengjai guang kanmei phuam Garoland State Movement Committee ruina lengmei rally tatei Garo nummei phuam Garo National Liberation Army, Garo National Council khatni baimei phuam nun ruina machuang kan e.
Garo state demand su bammei hei 1889 thang tei ruina the, state baimei tilou mak ethei Garo mei ntao thai mak bammei khou ruina duak pat ngam ni tuang rammak khe tuna phuam nun tei rui sakan the.

Author Since: Oct 29, 2018