News, State News

Komla Ngai kahou kan the; Christmas Colours tatkei kan the

DihCham News Service
TAMENGLONG, DEC. 7: Aseikum rui luan kaneimei suna Christmas Colours asei hei Orange Festival 2018 tuang hall khou daina tatkei kan the.
Christmas Colours hei Komla Ngai tuang mung akhat suna Tamenglong town khou naimei Christian phuamling nun rui kariuna Advent Christmas ngai bam tuange.
“Good tidings of great joy” tumei latdun bang khou tatkei kanmei mung khou tei Azuram Agape BC tuang Assistant Pastor Zaojianlung Riamei rui gaicham dinlou kan e, ZBCCNEI General Secretary Rev. Dr. NH Adui khatni Tamenglong Deputy Commissioner Ravinder Singh, IAS kanei rui greetings tilou kan e. Town khou naimei church khatni charai nun rui Christmas lu suanlou geih kan e, Kids United Club rui alemlou kan e.
Aseikum tuang Komla Ngai hei Tamenglong Mini Stadium khou tatkei bammei guang tanga jao mak sini Television (TV) channel khatni YouTube khou lian bam puni e tuna sa e.

Author Since: Oct 29, 2018