News, State News

Komla Ngai lam khou tithaipatmei

DihCham News Service
TAMENGLONG, NOV 5: Tamenglong tuang dailiangmei ngai Komla Ngai 2018 tuang reiliangmei mung suna Christmas Colour mung 7 December nung tingjin 5 PM khou tatkei puni the. Mihei Tamenglong town khou naimei
Christian phuamling nun ruina Advent Christmas kumma ngai khange. Mi Christmas Colour khou hei phuamling guai khou rui Christmas lu nun nkingtoulou puni e khatni gospel pari nking nchammei kagan ni nai puni e.
State Level Orange Festival (SLOF) 2018 tuang adventure suna Ahuthuak khou hih thoumei, rafting, kayaking sulou nimei guai ruina Tamei SDO Robertson Asem ta 9402881954/ 8413991711 khou kachulou khang tithai pat kan the.
Orange Festival khou dukan, food khatni handicraft stall dung nimei guai ruina Dengka 1,000 keina dung nu e. SLOF organising committee ruina tithai pat reimei suna thu stall dung nimei khou Dk 2000 la puni e tuna sakan tuange tiki public interest khou ruina Dk. 1000 ladat puni the kumma ti mbulou kanmei nun tei rui office khou guang lalou dat nu the. Stall dung nimei guai ruina form la khang kagan laanhlou bam di he tuna ni tithai pat kan the.

Author Since: Oct 29, 2018