News, State News

Tamenglong khou ni Juice factory laanh patlou kan the

DihCham News Service
Tamenglong December 7: K-T Juice tuna kaomei factory akhat asei hei Green Hill, Utopia, Tamenglong kaidai khou laan patlou kan the. Mi K-T Juice Factory khou hei David Panmei Proprietor suna taan tatkei bam puni. Mi factory laanh patmei mung khou tei Tamenglong, Town Baptist Church, Pastor, Rev Dr Namsadai Kahmei rui Minister sulouna laanh patlou kan tuang e.
Proprietor David ta puanloumei kapu Khiuliam khatni kapui Taguangliu jan khou rui lapatna factory jan hei phuaklou tuang e tuna sa e. David Panmei le DNS rui pari ramei gan khou mi tuang factory ling thao khang tingkum pa-ngu karam guangmei tang rui guang tang tuang e tuna sa e. Mi taan duan khou hei Horticulture Department, Government of Manipur geina nkhalou e. Kumma mi Department khou rui juice kasiam nimei tuang lam guai ni
training tilou tuang e tuna sa e.
K-T Juice hei Food Safety and Standards Enforcement Wing, India kapum khou juan tat nu khang khatni factory akhat taan subam nimei tuang register guai ni sulou ngam the tuna sa e. India khou juice kasing geina naimei guai pang khou tabui quality khou bam cho tumei hei ni Delhi thang jaimei lung khou test sutat puni tuna sa e. Ntao tao suna juice hei jang rap numei litre 1000 hei kasiam patlou tang the. 200 ml khatni 500 ml tuang bottle kasiamlou bam the. Mi organic juice hei khuang akhat khou litre 20 kasiam patre tuna sa e. Mi tuang factory khou hei juice na ramma pickle, chip khatni sauce nganna kasiam pat khang karamh bam e tuna David Panmei tei rui sa e.
Mi tuang Industry hei kathiak nchumma taan no ram guai chak than thiak-thiak nga taan chuina taan bam ethei kaji naimei department guai rui nni daithao mbu nu khang thu nkhalou bam puni de tuna Horticulture Department tuang District Officer, Biseshore rui sakan e. Taan taanhmei hei lung chang phung nga taan khang kage nai e. Kalam thu lungning kalai katup khou rui taan thai tutou mak bam tuang e. Asei laanpatlou bammei hei nthek dat mak khang lungchang phung nga taan tho tuna asei tuang mung khou Minister suloumei tei rui katiumei latsa suna ni salou kan e.

Author Since: Oct 29, 2018