News, State News

31 Oct nung Indo-Naga Solution tuang blueprint kasiam puni the

DIMAPUR, OCT 29 (NPG): Indo-Naga political peace talk tuang solution blueprint hei chamdaan khang 31 October nung kiu Naga National Poltical Group (NNPGs) charuk tuang Working Committee le interlocutor RN Ravi ariuna pari ra puni the tuna sa e.

Nagamei khang ‘latluailou ni thiak’ rammethei blueprint lam kaphian khang Naga leader nun N Konyak, N Kitovi khatni baimei senior leaders aju ruina Delhi khou gut tang bam the tuna sa e.

Aseiluan kaphian nimei lam nun hei bicameral house- upper house khou hei nominated member nung bam khange (leacy/ legislative council) khatni lower house khou elected member nun bam khange (federal/ legislative assembly) lam ni kajao e, mi house kanei kariumei tihei Tatar Hoho tuna kao puni e.

Manipur, Arunachal Pradesh khou bammei Nagamei nun khang autonomous district kasiamlou khang ni saku puni the tuna Naga leader nun tei rui sakan e.

Baimei state ta subak nu makge tuna sa bam the tiki aseiluan ni kaluaina saku dat puni de, Myanmar khou bammei Naga mei nun khang nganna solution hei nei bam e. Aseiluan hei NSCN-K (Khango rui jaimei) phuam nu kajao bam nu e tu e.

Author Since: Oct 29, 2018