National, News

Citizenship (Amendment) Bill, 2016 ta nuni mak nga Assam mbang kan the

GUWAHATI, Oct 23 (NENA): India kapum khou latgeih bammei khatni mansei guai ruina nuni makmei “Citizenship (Amendment) Bill, 2016” hei Assam khou tatkei nu makge tuna Assam khou naimei phuam 46 mbu ruina thingh nga asei hei Assam guai bandh sukan the.

Citizenship (Amendment) Bill, 2016 hei Act suna tatkeilou kan ethei India deng khou naimei country nun Pakistan, Bangladesh, Myanmar khatni bai baimei country nun khou bammei Muslimmei guai ruina India khou guang lung numei Bill e.

Mi Bill hei Act ti nguanlou ethei Assam hei tho Bangladeshmei ruina guanglung padik kan ni di the tuna civil phuam nun tei rui nu makmei lat sakan e. Sa bammei Bill lam khou hei asei nkhammei suna Joint Parliamentary Committee meeting bam ni tuange tuna sa e.

Protest sukanmei civil huam nun tei ruina Assam Chief Minister Sarbananda Sonowal khatni state BJP president Ranjit Dass meng kasiamlouna mai ntou kan e.

Thailou nu e, Citizenship Bill hei Nagaland, Manipur, Mizoram khou ni tatkeilou nu makge tuna civil organisation nun ruina tanhna protest su bam tuange.

Author Since: Oct 29, 2018