News, State News

CM guang nimei hu khou Kangpokpi khou bomb puak kan the

IMPHAL, Oct 19 (DIPR): Kangpokpi khou asei Manipur Cabinet Meeting bam kanmei ruina Manipur Lok Ayukta Rules, 2018 draft su khang nulou kan the, Kangpokpi DC office complex khou asei tatkei kanmei tei ruina Imphal pang thang Cabinet Meeting bammei luan charukmei the.

Government khou gusu gasumei khatni corruption hei lagan khang Lok Ayukta Bill hei tatkei jai tho tuna public guai ruina demand su bam tuang the tuna Chief Minister N Biren Singh ruina sakan e. Kangpokpi SDO office baina building kasiam khang Cabinet tei rui dinglou kan e.

Imphal-Moreh tuang bypass cheng kasiam hei kasiam khang rampou nun khou rui ramliu khang ni dinglou kan e. Manipur khou tu jangmei puat nun khou mphuammei puat lou kariuloumei tihei jaosin gut khang State Food Commission hei ti tan thao khang ni dimlou kan e.

CM guangmei gan khou Kangpokpi khou meipui nun tuang kaithian ni inaugurate sulou kan e. Kumma 100 bedded hostel, Transit Accommodation for Doctors and Teachers tuang foundation stone ni lingthaolou kan e.

Mbuna, Kangpokpi khou Cabinet meeting tatkei khang chamdaan bammei jingbang khuang 1:10 AM jang khou meilun thai makmei nun rui bomb tipuaklouna katuakmei aju tipatlou kan e. Mi bomb tei ADC Sadar Hills tuang Chairman kai deng khou pat kan tuange, gari khatni gate puak kasihlou kan e tiki mansei thu kabiumei makge tuna sa e.

Author Since: Oct 29, 2018