News, State News

Manipur khou dailiangmei public rally akhat rui latding 3 lalou kan the

IMPHAL, OCT 31 (AGENCIES): United Committee Manipur (UCM) ruina lengmei ‘October Mass Rally’ hei Manipur tuang rally guaina pang khou mansei tatgeih liangmei rally akhat the tuna chak bam e, asei Imphal kaidai khou tatkanmei rally tei ruina Manipur subak  numakge tumei tanhmei latding kathum lalou kan the.

TRAU Ground khou rui tat kahouna Wahengbam Leikai, Nagamapal, Thangmeiband kaniu tatruanlouna Khuman Lampak Hockey Ground khou meeting suna latding kathum laloukan e. Mikiu thu, Manipur tuang political, social, historical, economical identity khatni unity ta su kalai khang sumei tatho meiguai nchamma athung puni, kumma Autonomous Regional Council kasiam nu makge khatni Article 371 (A) hei Manipur khou tatkei nu makge.

Kaneimei latding suna reinung na ruina lung nchamma bam kariu guang kanmei Manipur tihei tabui-bui rui sini subak nu makge khatni khammei khou Manipur mei nun ruina kahaomei ta subak khang su bammei Govern-ment of India tuang taan guai tihei Manipur mei guai rui nchamma athung puni tuna dinglou kan e.

NSCN:IM le Govern- ment of India ruina peace talk kahou kanmei 21 thang tei ruina Manipur khou nchu njangmei lung ariu dat makkhe tuna ni UNC President Karam Sunil rui sakan e.

Manipur integrity subak nun makge tuna nchu njanga samei tihei Centre ruina chulou jat mak khe, kummei jeng rui Manipur khou bammei jaatti guai lung nchamma Manipur integrity ngek di kho tuna ni sakan e.

Author Since: Oct 29, 2018