News, State News

Manipur khou jaatti kak khou latgeihmei lam kaphian kariu kan the

Newmai News Network

DIMAPUR, Oct 30: Naga Scholars’ Association (NSA) ruina lengmei “Ethnic Conflicts in Manipur: Issues and Challenges” tumei latdun khou panel discussion hei School of International Studies (JNU), New Delhi khou tatkei kan the.

Dr. Tuisem Ngakang le Dr. Khole Timothy Poumai ruina panelists sulou kan e. Kanei tatei riuloumei latsa samei gan khou NSA tuang President Dr. Zuchamo Yanthan ruina sakan e tumei thu, Manipur khou jaatti nun kak khou latgeihmei thiak tihei scholar nun ruina gainimei luan khou kaphianlou khang kage nai e kalam thu latgeih thao ethei Nagamei nun khang kabiumei geihna guang rap-rap the tuna sakan e.

Panelist kanei tei ruina Naga-Kuki latgeihmei luan khou minna salou kan e. Kuki hei Myanmar rammethei Burma tuna kaolou reimei country thang ruina Britishmei ta nkhaloumei suna lung guang tuange. Lung kanak guangmei gan khou Nagamei ram lung khou kaniu hei lung khanloumei tang Naga ram nun tatei kaniu tuang ram the tuna khamma lung bam tuange tuna sakan e.

Haokip War rammethei Tingtong Rih, 1917 khou Kuki ruina Rongmei gaan 1,000 mbua ta suluailou kan e tuna ni salou kan e.

Author Since: Oct 29, 2018