National, News

NIA rui wanted list tipatmei khou NSCN(IM), NSCN(K), UNLF, KYKL meinun kajao geih kan the

NEW DELHI, October 21 (TNT): National Investiga-tion Agency (NIA) ruina kaniu rui phu bammei mansei nuntuang list tipatmei khou northeast ramkaan khou rui nummei phuam nun tuang cadre nun jan ni kajao geih kan the.

Milung khou tei NSCN(IM) tuang Hangshing RamsonTangkhul khatni TR Calvin tihei tamai khatni baimei baansin aju liu lana India ru khou rih kei khang su e tumei khuai khou rui kahao bam e. NSCN(K) tuang SS Lieutenant  General Nikki Sumi tihei ni Kohima khou Assam Rifles nun rukhoou baan keimei jeng rui kabam dinhloumei khang Dengka Lakh 10 ti puni tuna sa pat kan the.

UNLF tuang Vice Chairman Chabungbam Thanil,  Khundong Tomba @ Pambi, L Iwanthaba tihei phu bam e. Kumma, KYKL biak thang rui N Okendra Singh tihei kabam dinhloumei nai ethei Dengka lakh 5 ti puni tuna kaohpat kan the. Baimei KYKL tuang Moirangthem Uttam, Laishram Jinen, Landaba khatni baimei nun ta rui kaniu bam dinhlou ethei Dk 2 lakhs suan ti puni. Sa bammei nun lam dinhlou ni ethei phone number 011- 24368800 ta kachulou khang ni sa kan the.

Author Since: Oct 29, 2018