International, News

SRI LANKA POLITICAL CRISIS Sri Lanka Parliament suspend sukan the; gaan 1 theih, kabiu kan the

COLOMBO, OCT 28 (AGENCIES): Sri Lanka tuang President Maithripala Sirisena ruina Prime Minister Ranil Wickremesinghe ta kabam khou rui kakgan loumei tang November 16, 2018 ngan khang Parliament ta ni suspend sulou kan the. Sri Lanka khou political crisis hei charit gut mbuna bammei lung khou minister tuang body guard ruina public nun ding khou tamai kep khou ruina gaan akhat theih baimei gaan kanei kabiu the tuna sa e.

Kak ganloumei PM bang khou bammei minister tei ruina katuang post mpat kei lakge, office ku puni de tuna gutmei ta public nun ruina thingh timei jeng rui body guard tei rui tamai kep kan tuange tuna sa e. Kepmei guard tatei police rui nimma lat than bam the tuna sa e.

Speaker Karu Jayasuriya ruina tho Wickeremesinghe, 69 hei majority de, kamei Prime Minister phung numei de tuna sakan e. Sirisena ruina Prime Minister ta kakganmei hei constitution rui nu makmei thiak ge tuna ni sakan the.

Sri Lanka khou party kanei ruina ngam sinni akhiam bammei lung khou kakganlou kanmei Wickeremesinghe tuang party United National Party (UNP) hei seat 106 sin bam e, kumma Sirisena tuang party UPFA hei seat 95 sin bam e tuna sa e. Parliament khou seat kaguaina 225 nai e.

Thailou nu e, aseiluan President ruina Prime Minister khang kapalou dat bammei pu Mahinda Rajapaksa ruina Prime Minister phung bammei gan khou Sri Lanka khou Civil War, 2009 patna civil gaan lakh akhat mbu khatni rihmei 5,000 mbu theilou kan tuange.

Author Since: Oct 29, 2018