News, State News

THE STEPS LE THE VOICE KUC le Dimanliu S Panmei rui jaokao kan the

DihCham News Service

Tamenglong, Oct. 30: Tamenglong Baptist Church tuang Gospel Youth Organisation rui  lengmei The Steps, lem akhiammei khou Kids United Club, KUC  rui Winner khatni lusuan akhiammei, The Voice khou rui Dimanliu S. Panmei rui Winner lakan the.

27 October nung TBC complex khou tatkei kanmei The Steps khou tei team padei rui kajaolou kan e. Mi pang khou tei Benign Crew khatni Miss A rui 1st Runner Up khatni 2nd Runner Up lakan e. Ngam kanmei guai khang tei sian suna Dk. 7,000, Dk. 5,000 khatni Dk. 3,000 le certificate khatni trophy tikan e.

The Voice khou gaan 18 rui lusuan akhiam kanmei pang khou tei Phindui Panmei khatni Gaiguangliu Riamei kanei rui 1st Runner Up khatni 2nd Runner Up lakan e. Kaniu khang tei  ni sian suna Dk. 3,000, Dk. 2,000 Dk. 1,000 khatni certificate tikan e.

Aseiluan competition khou mark timei thiak hei judge ruina 70 percent khatni public vote rui 30 percent tina suchuimei kada kan tuange.

Thailou nu e, tatkanmei tingkum kanei thang tei ruina The Steps khou hei KUC rui Winner laguang kan tuang the.

Mbuna, The Steps le The Voice  khou public voting sumei hei gai makmei lam ni nai e tuna public asek ruina sa guange.

Author Since: Oct 29, 2018