News, State News

World Mental Healthy Day khatni International Day of Older Person mung tatkei kan the

DihCham News Service

Tamenglong, Nov 1: Tamenglong District Hospital, Duigailong khou asei World Mental Healthy Day khatni International Day of Older Person tuang awareness mung tatkei kan the. Mi mung nei khou tei Tamenglong Assistant Commissioner, Sharath Arroju, IAS, Tamenglong Chief Medical Officer, Dr. Chambo Gonmei, khatni Tamenglong Town Baptist Church, Pastor, Namsadai Kahmei rui ginpi, bampi khatni champoumei gin sulouna tatkei kan tuang e.

World Mental Healthy Day mung khou tei “Young People & Mental Health in a changing World” tumei latdun bang khou tatkei kan e.

Mi mung tuang latdun theilaina officer nun tei rui latsalou gei kan e.

International Day of Older Person mung khou tei “Celebrating Older Human Rights Champion” tumei bang khou seng daimei nun tei lat salou kan e, kumma gaansu gaandai nun bam kariumei bam Old Age Home nun khou tatna gaansu gaandai akhat rui tabui thiak khou tujang nina cho khatni tabui thiak khou pum gaina lung nina cho tumei luan khou awareness mung ni tatkei puni e tuna sa e.

Author Since: Oct 29, 2018