News, State News

Zeilad zei khou sinsu bam khang Forest Dept rui hi tikan the

DihCham News Service

Tamenglong, Nov 1: Forest Department, Government of India rui Zeilad khou sinsu bam khang hi akhat tilou kan the. Gaan 10 dou dung numei plastic hi tei asei Tamenglong kaidai tuang Forest Guest House khou Chief Conservator, Wildlife, Anurag Bajpai, Indian Forest Service, IFS rui tipatlou kan the.

Mi mung khou tei Tamenglong DFO, Arun RS. Waikhom Romabai, DFO, Wildlife, Honarary Wildlife Warden, Nehemiah Panmei, Zeiladjang Village Authority Chairman Mathew Gonmei, Makuai Village Authority Chairman, TP. Dikhuanang kaniu rui kajaolou kan e.

Mi gan khou tei Anurag rui sakan e, Tamenglong District khou hei Wildlife Sanctuary bam nai gei the. Mi guai tihei tigai mbu thao khang taan kahou bam the. Reimei suna Zeilad tihei kasiam rei puni e tuna sakan e. Forest Department rui kaman kung kanmei hi Zeilad khou sinsu khang tilou bammei tihei Zeilad rampou, Makuai nam tuang Chairman, Dikhuanang tei rui thuankumei ndaolou kan e.

 

Author Since: Oct 29, 2018