News

Tribalmei khang Museum kasiamlou puni the

Imphal, May 27 (NNN): Manipur khou naimei tribal community guaina khang museum kasiamlou puni the tuna Manipur tuang Chief Minister N Biren Singh ruina kaohpat kan the. Mi museum hei jaatti akhat tuang lung pat reimei bam khou Dengka lakh 10 keina kasiam khang e tuna sa e.
Sa bammei latding hei asei Chief Minister Secretariat khou tribal leader nun le meitinmei gan khou CM Biren tei ruina kaoh pat kan tuang e.

Tribal Museum khou hei pu-pou nun tuang phu beng, baansin nun, rihdou tuang puatchei nun khatni puanrai nun rilou khang e. Manipur community leader nun tuang WhatsApp group akhat ni kasiam khang dimlou kan e. Mi group khou kiu Chief Minister, rank kaomei officer nun khatni tribal tuang kapi- kaga nun rui member suna kage naimei guai kaphian bam puni e tuna sa e.
Reinung Ching le Njeng lung nchamma lunglou kanmei riang tei phung guang datna njianmei nai bam dat khang aseiluan tuang government rui taan ranna tatkei bam tuange tuna Chief Minister Office khou rui tipatmei cham tei rui sakan e. Tingkumpum tatkei bammei Manipur state tuang Sangai Festival hei kalun lung suna Keibul Lamjao khou tatkei bam e mi bam khou hei heritage park ni kasiam khang su bam e tuna sakan e.
Pu pou nun ruina lunglou kanmei kai thiak kasiam guango, kum ethei heritage park khou taanlou puni e. Kumma jaatti kathui ruina kai meng tei hi lana Tribal Affairs and Hills Department, Government of Manipur khou ti guang tho tuna ni sakan e.

Sa bammei meeting khou tei Manipur Legislative Assembly tuang Deputy Speaker K Robindro khatni baimei officer nun ni guang kajaolou kajaolou kan e.

Author Since: Dec 19, 2019