Features

Goan Bura nun le NSCN-IM kariuna talk ta ti tanh thao dat khang dinglou kan the

Meeting kajaolou kanmei NSCN:IM tuang leader le NGBF tuang kapih nun

Newmai News Network

Dimapur, Sept. 4: Nagaland Goan Buras Federation (NGBF) le NSCN-IM asei hei consultative meeting bam dat lana khat khat tuang khiatnamei aju nai bam sini kariu dat lana talk ti hei tanh thao lana meiguai rui chakhuang sulou numei, gai dinge tuna kumlou numei khatni tingsenga geng bam nimei solution guang khang karam thao di kho tuna dinglou dat kan the.

 

NGBF hei NNPGs ta machuang bam tuange tiki asei hei Niathu Resort, Dimapur khou NSCN-IM le political settlement lam khou consultative meeting bamma sa bammei latding tei lalou dat kan tuange.

Nagamei kaikhun nun kak khou guat suna bam dat khangkaram bammei taanduan guai tat ho meiguai rui chakhuang sulou nina de. Naga rihmei phuam guan gkariu khang sa bammei tihei ni ning nthuklou nina de, mihei Nagamei guai rui kahaomei de tuna sakan e.

 

NSCN-IM tuang team ta Chairman Q Tuccu khatni Vice Chairman Tongmeth Wangnao rui jailou kan e kumma NGBF ta President Shahlem Konyak le general Secretary Shikuto Zalipu rui jailou kan e.

 

Kaniu guai tei Naga political groups guai guang kariu nimei lam khatni Naga political affairs lam minna kaphian kan e.

Author Since: Dec 19, 2019