News

‘Nagamei rih kathan su dat khang chamdaan the’: sa nthan pat dat kan the

Newmai News Network
Dimpaur, Sep. 6: Nagamei nun rih kathan su dat khang chamdaan the tuna NSCN-IM rui sa the tuna The Telegraph khou 3 September 2020 nung hipat kanmei latbam tatei NSCN-IM rui tanhna nuni makmei ndaona sa nthan pat dat kan the. The Telegraph tuang chamlamei tei rih sumei ta kahaomei naina hi tina re tuna ni sakan e.
NSCN-IM hei nchu njenga solution phung guangmei ta kahaomei phuam de kummei jeng rui luan kaneimei suna Indo-Naga ceasefire hei 1997 kum sign su dat kan tuange. Nagamei rui machunna ntaan bammei tihei Indiamei rui thailou mak jeng nga di the, Nagamei rui akheng guang kanmei khatni latding lalou kanmei guai tatei Indiamei jaohan dat lana solution phung guang numei jat thang tat gut dat khang kage nai e tuna ni NSCN-IM rui sakan e.

Author Since: Dec 19, 2019