News

Naga Flag le Constitution khang khamlei louna talk luai mak bam tuang e: Latruan

DihCham News Service
Tamenglong, Sept. 6: NSCN-IM hei Flag le Constitution khang khamlei louna talk ta ti katuak khang khatni ti njeng kei bam tuange tuna laanmei latruan suna sa bam the tuna NSCN-IM ruina sapat kan e. Flag le Constitution hei Naga movement tuang lungthu khatni kadu su guang tuange, mi kanei ruina Nagamei hei kandih akhat dinge tumei lian tuange tuna ni NSCN-IM rui sakan e.
NSCN-IM ruina Chinamei government le nduang chui bammei ruina Government of India le latluai ngam mak bam tuange tuna ni social media khou NSCN-IM ta sa kasih bam e tuna sakan e.
Nagamei latbam hei October 2019 khou ltaluai puni the tuna interlocutor RN Ravi rui salou kan e. Kumma aseikum September buh lung khou ni NSCN kajao mak nga sini solution hei ti puni the tuna latgei numei latbam suna RN Ravi rui sa bam e tuna ni NSCN-Im rui sakan e. Mi kummei latbam ruina khat khatta chakhuang suna tingkum 23 talk su guang kanmei ta latlu geimei ti patlou e tuna ni sakan e.

Author Since: Dec 19, 2019