News

Nagamei lam luailou jai tho tuna PDA rui sa kan the

Newmai News Network
Imphal, Sep. 6: Indo-Naga peace talk hei mi gan lung khou latluai puni the tuna kagan kaklouna sa bammak sini nthuk liangmei, kungliangmei lam tei kaphian lana nkhammei solution kiu ti guang jai tho tuna People’s Democratic Party (PDA) rui sakan the. PDA hei Manipur Ching khou naimei political party nun tuang phuam e.

Indiamei le Nagamei kak khou khiatnamei nai bammei lam tei kaphian nthan pat tho, kumma Framework Agreement lung khou solution phung guang tho, PDA hei nchu njengmei machuangmei phuam e tuna ni sakan e.
Indiamei ni kaipou sumei chun nailou o, NSCN-IM ta talk sumei gan khou ningtinga latding lalou o. Nagamei ta mi thiak hei su nina de tuna pressure tilou rio khatni mi gan lung khou talk luai puni the tuna samei thiak hei ntheklou o tiki nchummei khatni kalingmei khou tat gutlou o tuna PDA rui Indiamei ta sakan the.

Author Since: Dec 19, 2019